asteazkena, apirila 29, 2020
asteazkena, apirila 22, 2020
AGURRA
Kaixo lagunok!!
Zelan zaudete? Espero dut guztiok ondo egotea.
Nire blogean lan batzuk jartzen hasi naiz mailaka.
Zeozer bidali nahi badidazue (marrazkiak, argazkiak, audioak, bideoak,...) erabili ahal duzue nire eskolako korreoa:
erlijioaldekoa@gmail.com
Eskerrik asko eta ANIMO!!
Besarkada eta musu birtualak guztiontzat!!
astelehena, apirila 20, 2020
igandea, apirila 12, 2020
larunbata, apirila 11, 2020
LARUNBAT SANTUA
Bereziki gogoratzen dugu nola igaro zuen Ama Mariak. Nolako sufrimendua izan zuen bere Seme hilik ikusita.
ostirala, apirila 10, 2020
OSTIRAL SANTUA
Jesusen nekaldia eta heriotza gogoratzen dira Pazkoko hirurreneko egun honetan.
Ospakizuna oso soila da, lasaia eta isila. Gurutze-bidea egin ohi da, eta gurutze handi bat uzten da elizan, eliztarrek gur dezaten .
osteguna, apirila 09, 2020
OSTEGUN SANTUA
Aste Santuan, Pazkoko hirurreneko lehen eguna da;hau da, Ostegun Santuan Azken Afariarekin hasi eta, hiru egun geroago, Pazko Igandean Jesuen piztuerarekin amaitzen den hiru egunetan lehena.
Ostegun Santuan Jesusen Azken Afaria gogoratzen da. Afari horretan, Maisuak agurtu egin zituen ikasleak, eta agindu berri bat eman zien: elkar maita zezatela berak haiek maitatu zituen bezala. Jesusek maitasunaren agindua zertan zen azaltzeko, oinak garbitu zizkien ikasleei, eta, oroen buruan, Eukaristia eratu zuen, ikasleei ogia eta ardoa banatu zizkienean, haien alde eskainitako gorputzaren eta odolaren ikur gisa.
Egun honetan, halaber, Ordenaren sakramentua eratu zela ospatzen da.
igandea, apirila 05, 2020
ERRAMU IGANDEA
Erramu Igandea Aste Santuko lehen eguna da. Aste honetan, egunak santuak dira, kristau-urtearen muina baitira, Pazkoko misterioa bizitzeko eta ospatzeko egunak: Jesukristoren nekaldia,heriotza eta piztuera.
Lehen egun honetan ospatzen da Jesus Jerusalemera sartu zela. Herriak palmak eta olibondo-adarrak astinduz hartu zuen Jesus, pozez eta aldarriz. Horregatik, mezaren hasieran bedeinkatu egiten dira palmak, erramuak (aintzaren eta ohorearen sinboloa) eta olibondo-adarrak (bakearen sinboloa).
Jerusalemera hain ospe handiz sartu ondoren, Jesus sartu ondoren, Jesus saldu eta atxilotu zuten, haren jarraitzaileek utzi egin zuten, eta gurutzean hil zen. Egun hori Kristoren Nekaldiaren hasiera da, eta horregatik, Nekaldi igandea esaten zaio.
Harpidetu honetara:
Mezuak (Atom)